පීඨ ප්‍රකාශන ඇගයීම් උළෙල සහ “නාදමංජරී” සංගීත වැඩසටහන – 2026
ශ්‍රී ජයවර්ධනපුර විශ්වවිද්‍යාලයීය මානවශාස්ත්‍ර හා සමාජීයවිද්‍යා පීඨයේ පීඨ ප්‍රකාශන කමිටුව විසින් සංවිධානය කරනු ලබන ආචාර්යවරුන්ගේ පර්යේෂණ හා ප්‍රකාශන ඇගයීම සහ “නාදමංජරී” සංගීත වැඩසටහන පහත සඳහන් පරිදි පැවැත්වීමට කටයුතු සූදානම් කර ඇත.
• දිනය: 2026 ඔක්තෝබර් 05 වැනි සඳුදා
• වේලාව: පස්වරු 4.00 ට
• ස්ථානය: මානවශාස්ත්‍ර හා සමාජීයවිද්‍යා පීඨයේ සුමංගල සභාසදය
ප්‍රධාන ආරාධිත සහභාගීත්වය: මානවශාස්ත්‍ර හා සමාජීයවිද්‍යා පීඨයේ පීඨාධිපති ජ්‍යෙෂ්ඨ මහාචාර්ය ශිරාන්ත හීංකෙන්ද මහතාගේ ආරාධනයෙන්, ශ්‍රී ජයවර්ධනපුර විශ්වවිද්‍යාලයේ උපකුලපති ජ්‍යෙෂ්ඨ මහාචාර්ය උපුල් සුබසිංහ මහතා මෙම උත්සවය සඳහා ප්‍රධාන ආරාධිත අමුත්තා වශයෙන් සහභාගී වීමට නියමිතය.
ඇගයීම් කටයුතු: මෙවර උළෙලේදී පීඨයේ ආචාර්යවරුන්ගේ පර්යේෂණ සහ ප්‍රකාශන ඇගයීමට ලක්වන අතර, එයට අමතරව පීඨයේ අනධ්‍යයන කාර්ය මණ්ඩලයේ මෙන්ම විද්‍යාර්ථීන්ගේ විවිධ නිර්මාණ ඇගයීමට ලක්කිරීම ද සිදු කෙරේ.
විශේෂාංග: ඇගයීම් උත්සවයෙන් අනතුරුව, පීඨයේ ආචාර්යවරුන් විසින් ගැයෙන ගී සැඳෑවක් පැවැත්වෙන අතර, ඒ සඳහා සංගීතය සැපයීම සංගීතය හා නිර්මාණාත්මක තාක්ෂණවේද අධ්‍යයනාංශයේ විද්‍යාර්ථීන් විසින් සිදු කරනු ලබයි.
මෙම අවස්ථාව සඳහා සහභාගී වන ලෙස විශ්වවිද්‍යාලයේ සියලුම ආචාර්ය, අනධ්‍යයන කාර්ය මණ්ඩල සාමාජිකයන් සහ විද්‍යාර්ථීන් වෙත ඉතා ආදරයෙන් යුතුව ආරාධනා කර සිටිමු.
පීඨ ප්‍රකාශන කමිටුව,
මානවශාස්ත්‍ර හා සමාජීයවිද්‍යා පීඨය,
ශ්‍රී ජයවර්ධනපුර විශ්වවිද්‍යාලය.
You may also like
