Community Leader of the Year - Faculty of Humanities and Social Sciences
මානවශාස්ත්‍ර හා සමාජීයවිද්‍යා පීඨයේ වසරේ ප්‍රජා නායකයා
ශ්‍රී ජයවර්ධනපුර විශ්වවිද්‍යාලයේ මානවශාස්ත්‍ර හා සමාජීයවිද්‍යා පීඨයෙහි ඉගෙනුම ලබන අභ්‍යන්තර විද්‍යාර්ථින්ට මේ සඳහා ඉල්ලුම් කල හැකිය.
මානවශාස්ත්‍ර හා සමාජීයවිද්‍යා පීඨයේ උපාධි අපේක්ෂකයන්ගේ ප්‍රජා නායක කුසලතා ඇගයීමට ලක්කිරීම.
* විශ්වවිද්‍යාලයීය විද්‍යාර්ථියෙකු වශයෙන් අපේක්ෂිත සමාජ වගකීම අවබෝධ කරදීම
* නායකත්ව ලක්ෂණ වැඩිදියුණු කරගැනීම සඳහා අවශ්‍ය මඟපෙන්වීම ලබාදීම
* තීරණ ගැනීමේ හැකියාවල විවිධ තරාතිරමේ පුද්ගලයන් සමග වැඩකිරීමේ හැකියාව සහ ගැටළුවලට මුහුණදීමේ හැකියාව වර්ධනය කිරීම
- මෙම තරඟාවලිය සඳහා මානවශාස්ත්‍ර හා සමාජීයවිද්‍යා පීඨයේ පළමු, දෙවන, තෙවන සහ සිව්වන වසරවල ඉගෙනුම ලබන සිසුන්ට ඉදිරිපත් විය හැකිය.
- මෙම සම්මානය සඳහා වසරක් පුරා ඔබ විසින් සිදු කර ඇති ප්‍රජා සුබසාධක කාර්යයන් සඳහා අයදුම් කල යුතුය (අදාල කාල සීමාව දැනුම් දෙනු ලැබේ).
- සංවිධානයක් ලෙස හෝ තනි ස්වේච්ඡා ක්‍රියාවක් ලෙස හෝ ප්‍රජාවගේ සුභසිද්ධිය උදෙසා අයදුම්කරුගේ නායකත්වය යටතේ අදාල ක්‍රියාව/ සේවාව සිදුකර තිබිිය යුතුය.
- අදාල කාර්යය ඉටුකිරීමෙන් මුදල් හෝ පෞද්ගලික ප්‍රතිලාභ ලබා ගෙන නොතිබිය යුතුය.
- අයදුම් කිරීම සඳහා තමන් විසින් සකසන ලද ස්වයං ඇගයීම් වාර්තාවක් (self evaluation report/ portfolio) ඉදිරිපත් කල යුතුය (ස්වයං ඇගයීම් වාර්තාවක් සකස්කිරීම සම්බන්ධයෙන් වැඩමුළුවක් පවත්වනු ලැබේ).
- ඉටු කරන ලද අදාළ කාර්යය පිළිබඳව ප්‍රදේශයේ ග්‍රාම නිලධාරිතුමාගේ/ විහාරාධිපති ස්වාමීන් වහන්සේගේ/ අදාළ පූජකතුමෙකුගේ/ අදාළ නිලධාරිමහතෙකුගේ/මහත්මියකගේ නිර්දේශය තිබිය යුතුය.
- සම්මුඛ පරීක්ෂක මණ්ඩලයක් මඟින් ජයග්‍රාහකයන් තෝරාගනු ලැබේ.
- ප්‍රථම ස්ථානය, දෙවන ස්ථානය සහ තෙවන ස්ථානය තෝරා ගනු ලබන අතර සහභාගිත්ව සඳහා ද සහතික පත්‍රයක් ප්‍රදානය කරනු ලැබේ.
Dean’s Award for the Community Leader
ප්‍රජා නායකත්වය සඳහා වූ පීඨාධිපති සම්මානය යනු කුමක්ද?
Community Leader of the Year වැඩසටහන මඟින් තම ප්‍රදේශයේ ජීවත්වෙන ජනතාවගේ ජීවන තත්ත්වය නංවාලීම සඳහා විශ්වවිද්‍යාලයීය ශිෂ්‍යයෙකු වශයෙන් ඔබගේ නායකත්වය යටතේ ඉටුකරන ලද ප්‍රජාපාදක සුබසාධක කටයුතු ඇගයීමට ලක් කරනු ලැබේ.
ශ්‍රී ජයවර්ධනපුර විශ්වවිද්‍යාලයීය විද්‍යාර්ථියෙකු වශයෙන් ඔබගෙන් අපේක්ෂිත සමාජ වගකීම් ඉටුකිරීමේ ගෞරවය ඔබ වෙත ලබාදීම දීමේ අරමුණින් මානව ශාස්ත්‍ර හා සමාජීය විද්‍යා පීඨය මඟින් මෙම ඇගැයීම් සම්මාන ප්‍රදානය සිදු කිරීමට බලාපොරොත්තු වේ. ඒ අනුව වසරක කාල සීමාව තුළ ඔබ විසින් සිදු කරන ලද ප්‍රජා සංවර්ධන ක්‍රියාකාරකම් මේ යටතේ ඇගයීමට ලක්කරනු ලබයි.
