මෙවර කලා විෂය ධාරාව යටතේ අ.පො.ස උසස් පෙළ සමත් සිසු සිසුවියන් සඳහා නවතම උපාධි පාඨමාලාවක් වශයෙන් ඉදිරිපත් කරනු ලබන තොරතුරු තාක්ෂණය ශාස්ත්‍රවේදී ගෞරව උපාධිය සඳහා ලියාපදිංචි වීමට විශ්වවිද්‍යාල ප්‍රවේශය 2020/2021 යටතේ අවස්ථාව ඇත. මෙම උපාධි පාඨමාලාව විශ්වවිද්‍යාල ප්‍රතිපාදන කොමිෂන් සභාවෙහි අනුමැතිය ඇති වසර හතරක ගෞරව (විශේෂ) උපාධි පාඨමාලාවක් වන අතර එය ඉංග්‍රීසි මාධ්‍යයෙන් පමණක් හැදෑරීමට අවස්ථාව ඇත.
මෙම උපාධි පාඨමාලාව සඳහා ඉල්ලුම් කිරීමට උසස් පෙළ විභාගයේ දී අවම වශයෙන් සාමාන්‍ය සාමාර්ථ (S) තුනක් ද සාමාන්‍ය පෙළ විභාගය සඳහා ගණිතය විෂයය සඳහා අවම වශයෙන් සම්මාන සාමාර්ථයක් (C) ද ලබා තිබිය යුතු වේ. මෙම උපාධි පාඨමාලාව යටතේ කාලීන රැකියා වෙළඳපොළට වඩාත් ගැලපෙන විෂය සංකලනයක් සහිත පාඨමාලා ඒකක හැදෑරීමට අවස්ථාව ලබා දී ඇත. වැඩි විස්තර සඳහා උපාධි පාඨමාලාව වෙත යොමු වන්න.
වැඩිදුර විස්තර සඳහා පිවිසෙන්න.