තරඟ අංශ

මේ සඳහා මානවශාස්ත්‍ර හා සමාජීයවිද්‍යා පීඨයේ සියලුම සිසු සිසුවියන්ට සහභාගි විය හැකි ය.

ගේයපද රචනා සඳහා ඕනෑම මාතෘකාවක් (ප්‍රේමය, විරහව, මිතුරු සබඳතාව, ශිෂ්‍ය සාමුහිකතාව…. වැනි) තෝරාගත හැකි වන අතර එය ශ්‍රී ජයවර්ධනපුර විශ්වවිද්‍යාලයට සම්බන්ධ විය යුතු ය.

මේ ගේයපද රචනා තරගය සිංහල, ඉංග්‍රිසි හා දෙමළ යන මාධ්‍ය ත්‍රිත්ත්වය සඳහා ම විවෘත වේ.

මේ යටතේ ප්‍රශස්ත ගේයපද රචනා 13ක් තෝරාගන්නා අතර ඉන් ප්‍රශස්තම ගේයපද රචනය තෝරගනු ලබන අතර ඒ සඳහා වටිනා ත්‍යාගයක් පිරිනැමේ.

ප්‍රශස්ත ගේයපද රචනා 13 සඳහා කුශලතා සහතිකපත්‍ර පිරිනැමේ.

එක් අයෙකුට නිර්මාණ තුනක් ඉදිරිපත් කළ හැකි වේ.

නිර්මාණ භාරගන්නා අවසන් දිනය – 2020 දෙසැම්බර් 31

ගේයපද රචනා තරඟය අයදුම්පත (DOC)
ගේයපද රචනා තරගය (Poster)

මේ සඳහා සහභාගි විය හැකි වන්නේ සංගීතය හා නිර්මාණාත්මක තාක්ෂණවේද අධ්‍යයනාංශයේ සිසු සිසුවියන්ට පමණි.

ගේයපද රචනා තරගයේ ජයග්‍රාහී ගේයපද රචනා සඳහා තනු නිර්මාණය සිදු කළ යුතු වන්නේ ඔවුන් ය. ඒ අතුරින් ප්‍රශස්තම තනු නිර්මාණය තෝරා ගනු ලබන අතර ඒ සඳහා වටිනා ත්‍යාගයක් හා සියළු තනු නිර්මාණවලට කුශලතා සහතිකපත්‍ර පිරිනැමේ.

ඉහත තරගවලින් තෝරාගත් තනු නිර්මාණය කරන ලද ගේයපද රචනා කුසපත් ඇදීමකින් ඒ ඒ අධ්‍යයනාංශවල විෂය සංගම් නියෝජිතයන්ට ලබා දෙනු ලැබේ.

ඒ අනුව ඒ ඒ අධ්‍යයනාංශ මගින් තමා වෙත ලැබුණු ගීත සඳහා රූප රචනා සිදු කළ යුතුවේ. (මෙය සිදු කළ යුත්තේ ජංගම දුරකථන භාවිත කොටගෙන ය.)

මේ සඳහා අවශ්‍ය දැනුම පීඨය මගින් ලබාදෙනු ලැබේ.

ඒ ගීත රූප රචනා අතුරින් ප්‍රශස්තම ගීත රූප රචනය තෝරාගනු ලැබේ. අනෙක් රූප රචනා සඳහා කුශලතා සහතිකපත්‍ර පිරිනැමේ.

මෙසේ නිර්මාණය වූ ගේයපද රචනා රන්රසු ප්‍රතිභා අභිනන්දන කලා මංගල්‍යයේ දී එළි දැක්වේ.

මේ සඳහා මානවශාස්ත්‍ර හා සමාජීයවිද්‍යා පීඨයේ සියලුම සිසු සිසුවියන්ට සහභාගි විය හැකි ය.

මෙම විද්‍යුත් ලේඛන විමර්ශන සංහිතා සඳහා පාදක කර ගත යුතු වන්නේ ශ්‍රී ලාංකේය සාහිත්‍ය කලා ප්‍රවර්ග ආදිය යි. එනම්, නවකතා, කෙටිකතා, ගීත, කවි, චිත්‍රපට, ටෙලි නාට්‍ය, නැටුම්, සංගීතය ආදි ක්ෂේත්‍ර ය.

සිසු සිසුවියෝ මේ ක්ෂේත්‍ර පිළිබඳ ව තමා ඉගෙන ගන්නා විෂය ධාරාවල (උපාධිය සඳහා පාදක වන විෂයයන්වල) දෘෂ්ටිකෝණයෙන් මේ ලේඛන විමර්ශන ලිපි සම්පාදනය කළ යුතු වේ.

නිදසුන් –
1. ඉතිහාසය විශේෂවේදී සිසුන්ට – විජයබාකොල්ලය නවකතාව ඇසුරින් ක්‍රි. ව. 1521 සිදු වූ ඓතිහාසික සිද්ධිය විමර්ශනය කිරීම
2. ආර්ථිකවිද්‍යා විශේෂවේදී සිසුන්ට – සද්ධර්ම රත්නාවලිය, ජාතක කතා පොත වැනි සම්භාව්‍ය සාහිත්‍ය කෘතිවලින් හෙළිවන භාණ්ඩ හුවමාරු ක්‍රමය මත පදනම් වූ වෙළඳාම විමර්ශනය කිරීම

මේ ලේඛන විමර්ශන ලිපි සිංහල, දෙමළ සහ ඉංග්‍රීසි යන මාධ්‍ය ත්‍රිත්ත්වය සඳහා ම විවෘත වේ.

එක් අයෙකුට ලේඛන විමර්ශන ලිපි ඕනෑම ගණනක් ඉදිරිපත් කළ හැකි වේ. එහෙත් ඒ ලේඛන විමර්ශන ලිපි මීට පෙර කිසිදු විද්‍යුත් හෝ මුද්‍රිත මාධ්‍යයක ප්‍රකාශයට පත් නො කළ ඒවා විය යුතු වන අතර ඒ බව ලේඛන විමර්ශන ලිපියේ කතුවරුන් සහතික කළ යුතු වේ.

අප වෙත එවන ලබන සියලුම ලේඛන විමර්ශන ලිපි පීඨ සංස්කෘතික කමිටුව විසින් පත් කරන ලද සමාලෝචන මණ්ඩලයක පරීක්ෂාවට ලක්වේ. ඉන් සංස්කරණය සහිත ව හෝ රහිත ව සුදුසු යැයි තෝරාගත් ලිපි මෙම විද්‍යුත් ලේඛන විමර්ශන සංහිතාවේ පළ කෙරේ.

ලේඛන විමර්ශන ලිපි භාරගන්නා අවසන් දිනය – 2021 ජනවාරි 22

මෙසේ නිර්මාණය වූ විද්‍යුත් ලේඛන විමර්ශන සංහිතා (Collectanea – e book) රන්රසු ප්‍රතිභා අභිනන්දන කලා මංගල්‍යයේ දී එළි දැක්වේ.

තව ද මෙකී ලේඛන විමර්ශන ලිපි රචනය සම්බන්ධයෙන් විද්වතුන්ගේ අදහස් ද මීට සමගාමී ව පීඨ වෙබ් අඩවිය මගින් සිසු සිසුවියන්ට ලබා දීමට නියමිත ය.

විද්‍යුත් ලේඛන විමර්ශන සංහිතා වැඩිදුර විස්තර සහ උපදෙස් >>
විද්‍යුත් ලේඛන විමර්ශන සංහිතා අයදුම්පත (DOC)
විද්‍යුත් ලේඛන විමර්ශන සංහිතා (Poster)