රන්රසු ප්‍රතිභා අභිනන්දන කලා මංගල්‍යය 2021 

 ශ්‍රී ජයවර්ධනපුර විශ්වවිද්‍යාලයේ මානවශාස්ත්‍ර හා සමාජීයවිද්‍යා පිඨයේ ශිෂ්‍ය ශිෂ්‍යාවන් ප්‍රමුඛ අධ්‍යයන හා අනධ්‍යයන කාර්ය මණ්ඩලයේ කලා කුසලතා සංවර්ධනයට අවස්ථාවන් නිර්මාණය කරමින් සුවිශේෂී දක්ෂතා සහිත වුවන්ට ජාතික තලයට ප්‍රවිෂ්ට වීමට සහය ලබා දිමෙන් කලාවේ ශාස්ත්‍රීය හා නිර්මාණකරණයේ උන්නතියට ශ්‍රී ජයවර්ධනපුර විශ්වවිද්‍යලිය ප්‍රජාවගේ සක්‍රිය දායකත්වය තහවරු කිරීම 2021 රන් රසු කලා මංගල්‍යයේ සුවිශේෂිතත්වයයි. මෙම කලා මංගල්‍යයට සමගාමීව “රන් රසු ශාස්ත‍්‍රීය සඟරාව” ද ප්‍රකාශයට පත්කෙරේ.

රන්රසු ප්‍රතිභා අභිනන්දන කලා මංගල්‍යය, 2021 වසර අවසානයේ පැවැත්වීමට කටයුතු සූදානම් කොට ඇත. විශ්වවිද්‍යාලවල මානවශාස්ත්‍ර විෂයයන් ආරම්භ වී 2021 වර්ෂයට වසර 100ක් පිරීමේ අවස්ථාව කේන්ද්‍ර කරගනිමින් පැවැත් වේ.

අප විශ්වවිද්‍යාලය කේන්ද්‍ර කරගනිමින් සැකසුණු කෙටි සංගීතමය අංගයකින් හා නර්තනමය අංගයකින් (සිසු සිසුවියන්ගේ සහභාගීත්වයෙන්) අවසන් උත්සවය උත්කර්ෂවත් වේ.