ශ්‍රී ජයවර්ධනපුර විශ්වවිද්‍යාලයේ මානවශාස්ත්‍ර හා පීඨයේ භූගෝල විද්‍යා අධ්‍යයනාංශය මඟින් පවත්වනු ලබන ග්‍රාමීය සංවර්ධන ඩිප්ලෝමා පාඨමාලාවේ (2022/2023), 11 වැනි කණ්ඩායම සඳහා අයදුම්පත් භාරගැනීම ඇරඹේ.
මේ සඳහා අ.පො.ස උසස් පෙළ විභාගය විෂයයන් දෙකකින් සමත් වීම හෝ එම සුදුසුකම් සපුරා නොමැති නම් අ.පො.ස සාමාන්‍ය පෙළ විෂයයන් හයකින් සමත්වීම සහ ග්‍රාමීය සංවර්ධනයට අදාල කුමන හෝ අංශයක වසර තුනක සේවා පළපුරුද්ද ඇති අයවලුන්ට මේ සඳහා අයදුම් කිරීමේ හැකියාව පවතී.
පාඨමාලා ගාස්තුව රුපියල් 50,000ක් වන අතර එය වාරික දෙකකින් ගෙවා අවසන් කළ හැකි ය. එක් අවුරුදු පාඨමාලා කාලයකින් යුත් මෙහි අර්ධ වාර්ෂික 02ක් යටතේ ඉගැන්වීම් කටයුතු සිදුකරනු ලබයි. දේශන සෙනසුරාදා දිනවල පෙ. ව. 8.00 සිට ප.ව. 5.00 දක්වා සිංහල මාධ්‍යයෙන් සිදු කෙරේ. පාඨමාලා අන්තර්ගතයෙහි ශ්‍රී ලංකාව තුළ හෝ වෙනත් රටක දී ලබා ගන්නා ක්‍ෂේත්‍ර අධ්‍යයන චාරිකා ද ඇතුළත් ය.
මෙම ඩිප්ලෝමා පාඨමාලාව සමත්වීම ශ්‍රී ජයවර්ධනපුර විශ්වවිද්‍යාලය මඟින් මෙහෙයවනු ලබන සමාජීයවිද්‍ යාවේදි පාරිසරික හා සංවර්ධන අධ්‍යන බාහිර උපාධි පාඨමාලාව හැදෑරීමට ද සුදුසුකමක් වේ.
අයදුම්පත සහ පාඨමාලාව පිළිබඳ විස්තර www.sjp.ac.lk/fhss වෙබ් අඩවියෙන් හෝ භූගෝල විද්‍යා අධ්‍යයනාංශයට පැමිණ ලබා ගත හැකි ය.
අයදුම්පත් භාරගැනීමේ අවසාන දිනය වන්නේ 2022 ඔක්තෝබර් මස 30 වැනි දා වේ.