වඩාත් තිරසර හරිත ක්‍රියාකාරකම සහ වඩාත් ජනප්‍රිය හරිත ක්‍රියාකාරකම තෝරාගැනීම
පහත දැක්වෙන පරිසර හිතකාමි ක්‍රියාකාරකම් හි නිරත වන මානවශාස්ත්‍ර හා සමාජීයවිද්‍යා පීඨ අභ්‍යන්තර සිසුන්ට මෙම තරඟයට සහභාගි විය හැකි ය
බනික ගෙවතු වගාව
අපද්‍රව්‍ය නිසි ලෙස බැහැර කිරීම
පොලිතින් සහ ප්ලාස්ටික් භාවිතය අවම කිරීම
කොම්පොස්ට් පොහොර නිෂ්පාදනය සහ භාවිත කිරීම
පරිසර හිතකාමි ක්‍රියාකාරකම් පිළිබඳ ප්‍රජාව දැනුවත් කිරීම
වැසි ජලය එක්රැස් කර ඵලදායී ලෙස භාවිත කිරීම
නැවත භාවිත කළ හැකි මලු නිෂ්පාදනය සහ භාවිත කිරීම
අපද්‍රව්‍ය නිර්මාණාත්මක දෑ වෙනුවෙන් යොදා ගැනීම
බලශක්තිය අරපිරිමැසුම්දායක ලෙස භාවිත කිරීම
වෙනත් පරිසර හිතකාමී ක්‍රියාකාරකමක නිරත වීම
ත්‍යාග සහ සහතිකපත්‍ර
- ප්‍රථම ස්ථානය සඳහා රු. 20 000 ක්
- දෙවන ස්ථානය සඳහා රු. 15 000 ක්
- තෙවන ස්ථානය සඳහා රු. 10 000 ක්
එක් එක් අංශයෙන් ජයග්‍රාහකයින් තිදෙනාට අමතර ව තවත් තරගකරුවන් දහ දෙනෙකුට සහතික පත් ප්‍රදානය කෙරේ.
තරඟ කොන්දේසි
- ඉහත ක්‍රියාකාරකමක නිරත වන අවස්ථාව ඡායාරූපයකට හෝ වීඩියෝ පටයකට (උපරිම මිනිත්තු 03) සිසුන් විසින් ලබා ගත යුතු වේ.
- Green Hub FB පිටුව සෑම තරගකරුවෙකු විසින් ම Like කළ යුතු වේ.
- තරගය පැවැත්වෙන කාල සීමාව තුළ සිසුන් තමන් විසින් ලබා ගත් ඡායාරූපය හෝ වීඩියෝ පටය Green Hub FB පිටුවෙහි පළ කළ යුතු වේ.
- ඡායාරූපයේ හෝ වීඩියෝ පටයේ අයිතිය තහවුරු වන ප්‍රකාශයක් සෑම සිසුවෙක් විසින් ම greenhub@fhss.sjp.ac.lk විද්‍යුත් තැපෑල වෙත එවිය යුතු වේ.
- ජයග්‍රාහකයින් වඩාත් තිරසර හරිත ක්‍රියාකාරකම සහ වඩාත් ජනප්‍රිය හරිත ක්‍රියාකාරකම වශයෙන් අංශ දෙකකින් තෝරා ගනු ලබන අතර එක් අංශයකින් ජයග්‍රාහකයින් තිදෙනකු තෝරා ගනු ලැබේ.
- Green Hub FB පිටුවෙහි පළ කරන ලද ඡායාරූපයට හෝ වීඩියෝ පටයට ලැබෙන Likes, Comments සහ Sharing අනුව වඩාත් ජනප්‍රිය පරිසර හිතකාමී ක්‍රියාකාරකම තෝරා ගනු ලැබේ.
- හරිත කවයට අනුබද්ධිත විනිශ්චය මණ්ඩලයක් මගින් වඩාත් තිරසර පරිසර හිතකාමි ක්‍රියාකාරකම තෝරා ගනු ලැබේ.