විශේෂ අවශ්‍යතා ඇති සිසුන් සඳහා වන ශිෂ්‍ය මධ්‍යස්ථානය
විශ්වවිද්‍යාලයට ඇතුලත් වන කිසියම් ආබාධිත තත්ත්වයකින් පෙළෙන සිසුන් සඳහා පිහිටුවන ලද ආබාධිත ඒකකයක් විශ්වවිද්‍යාලය තුළ පවතියි. එය මානව ශාස්ත්‍ර හා සමාජීය විද්‍යා පීඨයට අයත් රතනසාර ගොඩනැඟිල්ලේ දැනට පවත්වාගෙන යනු ලබයි. විශ්වවිද්‍යාල ප්‍රවේශය ලැබීමෙන් අනතුරුව ඔබගේ කටයුතුවලට සහය වීම සඳහා මෙම ඒකකය බැඳී සිටියි. එහි ඔබ සඳහා වෙන ම පරිගණක උපදේශකවරයෙකු පත් කර සිටින අතර ඔහු සම්බන්ධ කර ගත හැකි තොරතුරු මෙහි ඔබට ලබා දී ඇත. විශ්වවිද්‍යාලයට පැමිණීමට පෙර වුව ද මෙමඟින් ඔබට අවශ්‍ය තොරතුරු ලබා ගැනීමේ හැකියාව ඇත. විශ්වවිද්‍යාලයට පැමිණීමෙන් පසු ව ඔබගේ අධ්‍යයන අනධ්‍යයන කටයුතු සඳහා සහයෝගය ලබා දීම සඳහා මෙම ඒකකය ක්‍රියා කරයි. ඒ තුළ ඔබට අවශ්‍ය බොහෝ පහසුකම් සලසා දී ඇත.
විශ්වවිද්‍යාලයට ඇතුලත් වන කිසියම් ආබාධිත තත්ත්වයකින් පෙළෙන සිසුන් සඳහා පිහිටුවන ලද ආබාධිත ඒකකයක් විශ්වවිද්‍යාලය තුළ පවතියි. එය මානව ශාස්ත්‍ර හා සමාජීය විද්‍යා පීඨයට අයත් රතනසාර ගොඩනැඟිල්ලේ දැනට පවත්වාගෙන යනු ලබයි. විශ්වවිද්‍යාල ප්‍රවේශය ලැබීමෙන් අනතුරුව ඔබගේ කටයුතුවලට සහය වීම සඳහා මෙම ඒකකය බැඳී සිටියි. එහි ඔබ සඳහා වෙන ම පරිගණක උපදේශකවරයෙකු පත් කර සිටින අතර ඔහු සම්බන්ධ කර ගත හැකි තොරතුරු මෙහි ඔබට ලබා දී ඇත. විශ්වවිද්‍යාලයට පැමිණීමට පෙර වුව ද මෙමඟින් ඔබට අවශ්‍ය තොරතුරු ලබා ගැනීමේ හැකියාව ඇත. විශ්වවිද්‍යාලයට පැමිණීමෙන් පසු ව ඔබගේ අධ්‍යයන අනධ්‍යයන කටයුතු සඳහා සහයෝගය ලබා දීම සඳහා මෙම ඒකකය ක්‍රියා කරයි. ඒ තුළ ඔබට අවශ්‍ය බොහෝ පහසුකම් සලසා දී ඇත.
- විශ්වවිද්‍යාලයේ පොදු අන්තර්ජාල වයිෆයි ජාලයට අමතරව මෙහි දී ඔබට වෙනම නොමිලේ ප්‍රවේශ විය හැකි බ්‍රේල් නෙට්වර්ක් නමින් වයිෆයි ජාලයක් පවතියි.
- විශ්වවිද්‍යාලයේ ඔබේ පීඨයට අයත් පරිගණක විද්‍යාගාරයට අමතරව මේ තුළ ඔබගේ කටයුතු සඳහා වෙන් වූ කුඩා පරිගණක විද්‍යාගාරයක් පිහිටුවා ඇත.
- අඬක් පෙනෙන ඔබට අවශ්‍ය වීඩියෝ මැග්නිෆයර්ස් අවශ්‍ය නම් ලබා ගැනීමට පහසුකම් සපයා දී ඇත.
- බ්‍රේල් මාධ්‍යයෙන් අධ්‍යාපනය ලබන සිසුන් සඳහා අවශ්‍ය බ්‍රේල් යතුරුලියන යන්ත්‍ර ලබා ගැනීමට ද පහසුකම් ඒ තුළ පවතියි.
- පෞද්ගලික වොයිස් රෙකෝඩර් යන්ත්‍ර ඔබ සතුව නැතිනම් විශ්ව විද්‍යාලය මඟින් ඔබට මෙම ඒකකය හරහා ඒවා ලබා දීමට කටයුතු කරයි.
- මෙහි ඇති සෑම පරිගණකයකට ම හා ලැප්ටොප් යන්ත්‍රයකට ම ඔබට අවශ්‍ය මෘදුකාංග ස්ථාපනය කර ඇත.
- ඔබ සඳහා පළමු වසර තුළ පැවැත්වෙන අනිවාර්ය ඉංග්‍රීසි භාෂා විෂය සඳහා ඉගැන්වීම් කටයුතු මේ හරහා සිදු කිරීමට ද කටයුතු යොදා ඇත.
- දේශන සඳහා සහභාගී නොවන කාලය තුළ රැඳී සිටීමට අවශ්‍ය සියලු පහසුකම් ඔබ වෙනුවෙන් මේ තුළ ස්ථාපිත කර තිබේ.
- ඔබ් විදුලි උපකරණ චාජ් කර ගැනීම සඳහා ප්ලග් පොයින්ට්, මේස, පුටු, ටොයිලට් පහසුකම්, පානීය ජල පහසුකම් ආදී සියල්ලම මෙම ඒකකය ඇතුලත ඔබ වෙනුවෙන් පිහිටුවා තිබේ.
- ඔබට අවශ්‍ය නම් ඔබගේ ග්‍රන්ථ හා සටහන් ආදිය පටිගත කර ගැනීමට පහසුවන සේ සකසන ලද කුඩා රෙකෝඩින් රූම් එකක් ද මේ තුළ දැකිය හැකි ය.
ඉහත දක්වන ලද සෑම පහසුකමක් ම හා උපකරණයක් ම සරසවියට අයත් පොදු දේපල වන අතර ඒවායින් නිසි ප්‍රයොජන ලැබීම මෙන් ම ඒවා වගකීමෙන් යුතු ව ප්‍රවේශමින් පරිහරණය කිරීම ද ඔබගේ යුතුකමකි. මෙම ඒකකය ඔබ වෙනුවෙන් උදෑසන 8 සිට සවස 5 දක්වා කාර්‍යාල කාල සීමාව තුළ සෑම සතියේ දිනයක ම විවෘත ව පවතියි. එය ශ්‍රී ජයවර්ධනපුර විශ්වවිද්‍යාලයේ මානවශාස්ත්‍ර හා සමාජීය විද්‍යා පීඨය මඟින් පාලනය හා නඩත්තු කටයුතු සිදු කෙරෙන ඒකකයක් වන බැවින් ඔබට අවශ්‍ය තොරතුරු පීඨය මඟින් ලබා ගත හැකි ය. වර්තමානය වන විට එහි උපදේශක තනතුර දරනු ලබන්නේ සිංහල හා ජනසන්නිවේදන අධ්‍යනාංශ ප්‍රධානී ආචාර්ය කුසුමලතා ලංකාමුල්ල ආචාර්යතුමිය වන අතර ඇය සම්බන්ධ කර ගැනීමෙන් ද ඔබට අවශ්‍ය තොරතුරු ලබා ගැනීමේ හැකියාව ඇත.
ඔබ වෙනුවෙන් පත් කර සිටින පරිගණක උපදේශකවරයා වශයෙන් වර්තමානයේ කටයුතු කරනු ලබන්නේ කසුන් නයනජිත් මහතා ය. ඔබට අවශ්‍ය වැඩිදුර තොරතුරු එතුමාගෙන් ද ලබා ගත හැකි ය.
You may also like
ලියාපදිංචි කටයුතු
