Register for Honors Degree Programs
Register for Honors Degree Program in the 2nd Year (දෙවන වසරේදී ගෞරව උපාධිය සඳහා ලියාපදිංචි වීම)
ගෞරව උපාධිය සඳහා උපාධි අපේක්ෂකයන් ඇතුළත් කර ගැනීමේ දි පීඨයේ පොදු නිර්ණායක සහ අධ්‍යයනාංශ මගින් පනවනු ලබන විශේෂ අවශ්‍යතා සපුරාලිය යුතුවේග ශාස්ත්‍රවේදි උපාධිය හදාරන උපාධි අපේක්ෂකයන් ගෞරව උපාධියට ලියාපදිංචිවීමට පහත සඳහන් සුදුසුකම් සපුරා තිබිය යුතුය.
- පලමු වසර සඳහා දෙකට (2.00) නොඅඩු ශ්‍රේණි ලකුණු සාමාන්‍යයක් GPA ලබා ගැනීම.
- ගෞරව උපාධිය හැදැරීමට අපේක්ෂා කරන අධ්‍යයන ක්ෂේත්‍රයෙන් අදාළ අධ්‍යයනාංශය විසින් නියම කරනු ලබන පාඨමාලා ඒකක වලට අවම වශයෙන් B- සාමාර්ථය ලබා තිබිම.
- ප්‍රථම වර්ෂයේ දී සම්පුර්ණ කළ යුතු බවට අධ්‍යයනාංශය මගින් නියම කරනු ලබන පාඨමාලා ඒකක සමත් වී තිබිම :මෙය ඇතැම් අධ්‍යයනාංශ සඳහා පමණක් අදාළ වේ.
ගෞරව උපාධිය සඳහා තෝරාගනු ලබන ශිෂ්‍ය සංඛ්‍යාව තීරණය කිරීම ඒ ඒ අධ්‍යයනාංශයේ පවතින සම්පත් ප්‍රමාණය මත පදනම් වේ. ගෞරව උපාධි සඳහා තෝරාගත් ශිෂ්‍යයන්ගේ නාමලේඛණ පීඨ වෙබ් අඩවියේ පළ කරනු ලැබේ.
Register for Honors Degree Program in the 3rd Year (තෙවන වසරේදි ගෞරව උපාධිය සඳහා ලියාපදිංචි වී)
ශාස්ත්‍රවේදි උපාධිය හදාරන උපාධි අපේක්ෂකයන් සිමිත පිරිසකට තෙවන වසර අවසානයේ දි ගෞරව උපාධියට ලියාපදිංචිවීමට අවස්ථාව ඇත. මේ සඳහා පහත සඳහන් සුදුසුකම් සපුරා තිබිය යුතුය.
- දෙවන වසර දෙවන අර්ධ වාර්ෂිකයේ අවසානය දක්වා පෙනී සිටි ගෞරව උපාධිය හැදැරීමට අපේක්ෂා කරන අධ්‍යයන ක්ෂේත්‍රයට අදාළ පාඨමාලා ඒකක සඳහා අවම වශයෙන් C සාමාර්ථ්‍යයන් ලබා තිබීම.
- ප්‍රකාශිත සමස්ත ප්‍රතිඵල වල ශ්‍රේණි ලකුණු සාමාන්‍ය (GPA) 2.00 ට නොඅඩු සහ ගෞරව උපාධිය හැදෑරීමට අපේක්ෂා කරන අධ්‍යයන ක්ෂේත්‍රයට අදාළ පාඨමාලා ඒකක සඳහා ශ්‍රේණි ලකුණු සාමාන්‍යය (GPA) 2.70 ට නොඅඩු වීමග
ගෞරව උපාධියක් හැදෑරීමට තෝරා ගත හොත් ඒ සඳහා සපුරාලිය යුතු යැයි අධ්‍යයනාංශය විසින් නිර්දේශ කරනු ලබන සියලුම පාඨමාලා ඒකක වලට (පසුගිය අර්ධ වාර්ෂිකවලට අදාළ ඒකකයන් ද ඇතුළත්ව) අදාළ දේශන සඳහා සහභාගීවීම 80% සහිතව විභාගයට පෙනී සිටීමට එකග විය යුතුය. කෙසේ වෙතත් ශාස්ත්‍රවේදී උපාධි පාඨමාලාවකින් ගෞරව උපාධි පාඨමාලාවකට උපාධි අපේක්ෂකයන් ලියාපදිංචි කරගැනීම හෝ නොගැනීම පිළිබඳ අවසන් තීරණය ඒ ඒ අධ්‍යයනාංශය සතුවන අතර ගෞරව උපාධිය සඳහා තෝරාගනු ලබන උපරිම ශිෂ්‍ය සංඛ්‍යාව තීරණය කිරීම ද ඒ ඒ අධ්‍යයනාංශයේ පවතින සම්පත් ප්‍රමාණය මත පදනම් වේ.
නියමිත කාලයේදි පීඨ වෙබ් අඩවියේ (www.fhss.sjp.ac.lk) පලකරනු ලබන දැන්වීම අනුව අයදුම් කළ යුතුවේ.
තෝරාගත් ශිෂ්‍යයන්ගේ නාමලේඛණ පීඨ වෙබ් අඩවියේ පළ කරනු ලැබේ.