Home / Digital Archive

 

Glossary Words Archive

අංකෙළිය: (ජන – දේව) දේව පූජාත්මක ජාතික ක්‍රීඩාවක නාමය.
ලංකාවේ නොයෙක් ප්‍රදේශවල වසංගත රෝග සහ නියං ආදී උපද්‍රව සිදුවන කාලවල දී මෙම දේව පූජාත්මක ක්‍රීඩාව පවත්වා පත්තිනි දෙවියන්ට පුද පඬුරු ඔප්පු කිරීම සිරිතක්ව පවතී. පත්තිනි කතාවේ එන පාළඟ සහ කන්නගිය මල් නෙළන අවස්ථාවේ ඒ දෙදෙනාගේ කෙකි බ`ඵ දෙක එකට පටලැවී එය ගලවා ගැනීමට දෙදෙනා කළ තරඟය අනුස්මරණය කිරීම මේ ක්‍රීඩාවේ දී සිදුවේ. කන්නගිය හෙවත් පත්තිනිය අත වූ කෙකි බ`ඵව ඉතා ළපටි ලීයකින් වූවද පාළඟ වෙත වූ කෙකි බ`ඵව කැඩී ගිය බව සඳහන් වේ. අද මෙම ක්‍රීඩාව පත්තිනි දෙවියන් සතුටු කිරීම පිණිස කරන්නකි. ගමේ ගැමියෝ දෙපිලකට බෙදී අං බ`ඵවක් බැඳ දෙපසට ඇදීමෙන් මෙම ක්‍රීඩාව කරනු ලබති. යටි පිල පත්තිනියගේ පිලය. එය ජය ගැනීම ප්‍රදේශයට යහපත් බව ගැමි විශ්වාසයයි. තරඟයට යොදා ගත් අඟ අතීතයේදී ගොන් අඟින් සාදා තිබුණ ද අද ඒ සඳහා කරඳ තරණ වරල් හෝ ඇට්ටේරිය වැනි ලී බ`ඵ යොදා ගනු දක්නට ඇත.

අංගපුලාවකට නැති (ජන) පිළිවෙලකට නැති. විශ්වාස නැති. විශ්වාස කළ නොහැකි.

අංගම් මඩුව: (ජන) අංගම් පොර පවත්වන මඩුව.

අංචිය (ජන – ක්‍රීඩා) අ. අවාසිය, පංච කෙළිය නම් ක්‍රීඩාවේ දී පරාජය වීම.—- ආ. අමාරුව. ඇබැද්දිය. අකරතැබ්බ.

අංගම් මැඩිල්ල (ජන) අංගම් පොර පවත්වන ස්ථානය.

අං මැඩිල්ල (ජන- දේව) අං පිටිය.

අකුරු මිටිය (ජන) ගල් තලන කුඩා මිටිය, අත් මිටිය.

අක්බරුව (ජන) අස්වැන්න ශුද්ධ කළ පසු අගට ඉතිරිවන හොඳින් කිරි නොවැදුණු වී. අගවරුව. අක්වරුව.

අග්ගස්ස දානය (ජන- ගොවි) අග්‍ර සස්‍ය දානය. ගසුසිව්.