රන්රසු ප්‍රතිභා අභිනන්දන කලා මංගල්‍යය – 2021

මානවශාස්ත්‍ර හා සමාජීයවිද්‍යා පීඨයේ සිසු සිසුවියන්ගේ නිර්මාණශීලි හැකියාවන් ඔප්නැංවීමේ අරමුණෙන් ක්‍රියාත්මක වන රන්රසු ප්‍රතිභා අභිනන්දන කලා මංගල්‍යය – 2021 සඳහා අයදුම්පත් කැඳවේ.

උද්ගත ව ඇති වාතාවරණය හේතුවෙන් මෙහි මූලික කටයුතු සිදුවන්නේ අන්තර්ජාල මාධ්‍යයෙනි.

මෙවර පැවැත්වෙන්නේ ගීත නිර්මාණය කිරීමේ තරගයකි. එය පියවර කිහිපයක් අනුව ක්‍රියාත්මක වන අතර එම තරගයේ එක් පියවරක් මෙසේ ය.

1 ගේයපද රචනා තරගය

■ මේ සඳහා මානවශාස්ත්‍ර හා සමාජීයවිද්‍යා පීඨයේ සියලුම සිසු සිසුවියන්ට සහභාගි විය හැකි ය.
■ මේ යටතේ ප්‍රශස්තම ගේයපද රචනා 13ක් තෝරාගන්නා අතර ඉන් ප්‍රශස්තම ගේයපද රචනය තෝරගනු ලබන අතර ඒ සඳහා වටිනා ත්‍යාගයක් ද පිරිනැමේ.
■ ප්‍රශස්තම ගේයපද රචනා 13 සඳහා කුශලතා සහතිකපත්‍ර පිරිනැමේ.
■ ගේයපද රචනා සඳහා ඕනෑම මාතෘකාවක් (ප්‍රේමය, විරහව, මිතුරු සබඳතාව, ශිෂ්‍ය සාමුහිකතාව…. වැනි) තෝරාගත හැකි වන අතර එය ශ්‍රී ජයවර්ධනපුර විශ්වවිද්‍යාලයට සම්බන්ධ විය යුතු ය. එසේ නොවන නිර්මාණ ප්‍රතික්ෂේප කෙරෙනු ලැබේ.
■ මේ ගේයපද රචනා තරගය සිංහල, ඉංග්‍රිසි හා දෙමළ යන මාධ්‍ය ත්‍රිත්ත්වය සඳහා ම විවෘත වේ. සියලු නිර්මාණ පරිගණකගත කර එවිය යුතුවේ.
(භාවිත කළ යුතු පරිගණක අක්ෂර – ඉංග්‍රීසි – Times New Roman, සිංහල – FMAbhaya, දෙමළ – Bamini)
■ එක් අයෙකුට නිර්මාණ තුනක් (03) ඉදිරිපත් කළ හැකි වේ.
■ නිර්මාණ සමඟ ඔබගේ තොරතුරු ඇතුළත් කර අප වෙත එවිය යුතු අයදුම්පත පහතින් දැක්වේ. සියලු දෙනාම එය සම්පූර්ණ කළ යුතු වන්නේ ඉංග්‍රිසි මාධ්‍යයෙනි.
■ නිර්මාණ භාරගන්නා අවසන් දිනය – 2020 දෙසැම්බර් 31
■ නිර්මාණ එවිය යුතු ඊමේල් ලිපිනය – nadeeshaniimanga@yahoo.com

ගේයපද රචනා තරගය අයදුම්පත (DOC)
ගේයපද රචනා තරගය (Poster)

2 Collectanea – විද්‍යුත් ලේඛන විමර්ශන සංහිතා

මෙවර කලා මංගල්‍යයේ අරමුණ දෙයාකාර ය. පීඨයේ සිසු සිසුවියන්ගේ නිර්මාණශීලි ශක්‍යතා උද්දීපනය කිරීම සහ ඔවුන්ගේ ලේඛන විමර්ශන ශක්‍යතා ඉස්මතු කරවීම ය. ඒ අනුව මානවශාස්ත්‍ර හා සමාජීයවිද්‍යා පීඨ සිසු සිසුවියන්ගේ ලේඛන විමර්ශන ශක්‍යතාවන් ඉස්මතු කරවීම සඳහා විද්‍යුත් ලේඛන විමර්ශන සංහිතාවක් (Collectanea) ද මෙවර කලා මංගල්‍යයට ඇතුළත් වේ.

■ මේ සඳහා මානවශාස්ත්‍ර හා සමාජීයවිද්‍යා පීඨයේ සියලුම සිසු සිසුවියන්ට සහභාගි විය හැකි ය.
■ මෙම විද්‍යුත් ලේඛන විමර්ශන සංහිතා සඳහා පාදක කර ගත යුතු වන්නේ ශ්‍රී ලාංකේය සාහිත්‍ය කලා ප්‍රවර්ග ආදිය යි. එනම්, නවකතා, කෙටිකතා, ගීත, කවි, චිත්‍රපට, ටෙලි නාට්‍ය, නැටුම්, සංගීතය ආදි ක්ෂේත්‍ර ය.
■ සිසු සිසුවියෝ මේ ක්ෂේත්‍ර පිළිබඳ ව තමා ඉගෙන ගන්නා විෂය ධාරාවල (උපාධිය සඳහා පාදක වන විෂයයන්වල) දෘෂ්ටිකෝණයෙන් මේ ලේඛන විමර්ශන ලිපි සම්පාදනය කළ යුතු වේ.
■ නිදසුන් –
1. ඉතිහාසය විශේෂවේදී සිසුන්ට – විජයබාකොල්ලය නවකතාව ඇසුරින් ක්‍රි. ව. 1521 සිදු වූ ඓතිහාසික සිද්ධිය විමර්ශනය කිරීම
2. ආර්ථිකවිද්‍යා විශේෂවේදී සිසුන්ට – සද්ධර්ම රත්නාවලිය, ජාතක කතා පොත වැනි සම්භාව්‍ය සාහිත්‍ය කෘතිවලින් හෙළිවන භාණ්ඩ හුවමාරු ක්‍රමය මත පදනම් වූ වෙළඳාම විමර්ශනය කිරීම
■ මේ ලේඛන විමර්ශන ලිපි සිංහල, දෙමළ සහ ඉංග්‍රීසි යන මාධ්‍ය ත්‍රිත්ත්වය සඳහා ම විවෘත වේ. සියලු නිර්මාණ පරිගණකගත කර එවිය යුතුවේ.
(භාවිත කළ යුතු පරිගණක අක්ෂර – ඉංග්‍රීසි – Times New Roman, සිංහල – FMAbhaya, දෙමළ – Bamini)
■ එක් අයෙකුට ලේඛන විමර්ශන ලිපි ඕනෑම ගණනක් ඉදිරිපත් කළ හැකි වේ. එහෙත් ඒ ලේඛන විමර්ශන ලිපි මීට පෙර කිසිදු විද්‍යුත් හෝ මුද්‍රිත මාධ්‍යයක ප්‍රකාශයට පත් නො කළ ඒවා විය යුතු වන අතර ඒ බව ලේඛන විමර්ශන ලිපියේ කතුවරුන් සහතික කළ යුතු වේ.
■ අප වෙත එවන ලබන සියලුම ලේඛන විමර්ශන ලිපි පීඨ සංස්කෘතික කමිටුව විසින් පත් කරන ලද සමාලෝචන මණ්ඩලයක පරීක්ෂාවට ලක්වේ. ඉන් සංස්කරණය සහිත ව හෝ රහිත ව සුදුසු යැයි තෝරාගත් ලිපි මෙම විද්‍යුත් ලේඛන විමර්ශන සංහිතාවේ පළ කෙරේ.
■ ඔබ විසින් එවනු ලබන ලේඛන විමර්ශන ලිපිය හෝ ලිපි සමඟ ඔබගේ තොරතුරු ඇතුළත් කර අප වෙත එවිය යුතු අයදුම්පත සහ ලේඛන විමර්ශන ලිපි රචනා කිරීමට අදාළ විස්තර පත්‍රිකාව මානවශාස්ත්‍ර හා සමාජීයවිද්‍යා පීඨ වෙබ් අඩවියේ දැක්වේ. සියලු දෙනාම අයදුම්පත සම්පූර්ණ කළ යුතු වන්නේ ඉංග්‍රිසි මාධ්‍යයෙන් පමණි.
■ ඔබගේ අයදුම්පත සමග ලේඛන විමර්ශන ලිපි එවිය යුතු බව සලකන්න.
■ ලේඛන විමර්ශන ලිපි භාරගන්නා අවසන් දිනය – 2021 ජනවාරි 22
■ ලේඛන විමර්ශන ලිපි එවිය යුතු විද්‍යුත් ලිපිනය – collectaneafhss@gmail.com
■ මෙසේ නිර්මාණය වූ විද්‍යුත් ලේඛන විමර්ශන සංහිතා (Collectanea – e book) රන්රසු ප්‍රතිභා අභිනන්දන කලා මංගල්‍යයේ දී එළි දැක්වේ.
තව ද මෙකී ලේඛන විමර්ශන ලිපි රචනය සම්බන්ධයෙන් විද්වතුන්ගේ අදහස් ද මීට සමගාමී ව පීඨ වෙබ් අඩවිය මගින් සිසු සිසුවියන්ට ලබා දීමට නියමිත ය.

විද්‍යුත් ලේඛන විමර්ශන සංහිතා වැඩිදුර විස්තර සහ උපදෙස් >>
විද්‍යුත් ලේඛන විමර්ශන සංහිතා අයදුම්පත (DOC)
විද්‍යුත් ලේඛන විමර්ශන සංහිතා (Poster)

News & Updates

මහපොළ ශිෂ්‍යත්ව ප්‍රදානය (දෙවන ලේඛනය) -2019/2020
April 2, 2022
මානව ශාස්ත්‍ර හා සාමාජීය විද්‍යා පීඨය ප්‍රථම අර්ධ වාර්ෂික පරීක්ෂණය – 2020/21
April 2, 2022
Industry Partnership Program of the Faculty of Humanities and Social Sciences and the HCL Technologies
March 28, 2022
චීන භාෂාව පිළිබඳ ඩිප්ලෝමා පාඨමාලාව (Diploma in Chinese Language) – 2022 දෙවන ශිෂ්‍ය කණ්ඩායම
March 27, 2022
ප්‍රතිඵල නැවත සමීක්ෂණය සඳහා වන අයදුම්පත් කැඳවීමයි
March 25, 2022