මානවශාස්ත්‍ර හා සමාජීය විද්‍යා පිඨයේ සිසුන් සඳහා වන විශේෂ දැනුම් දීමයි

මානවශාස්ත්‍ර හා සමාජීය විද්‍යා පීඨයේ ගෞරවනීය ශිෂ්‍ය ස්වාමීන් වහන්සේලා සහ ආදරණීය සිසු දූ පුතුන් වෙත කෙරෙන කාරුණික දැනුම් දීමයි.

අප ජීවත් වන ශ්‍රී ලංකාවද ඇතුළුව මුළු මහත් ලෝකයම බරපතල විපතකට මුහුණ දී සිටින මේ අතිශය තීරණාත්මක මොහොතේ, ඔබගේ ආදරණීය ආචාර්ය මණ්ඩලය වශයෙන් අප අපගේ දයාබර ශිෂ්‍ය ප්‍රජාව වන ඔබ පිළිබඳව අවදිමත් භාවයකින් සිටින බව පළමු කොට දන්වනු කැමැත්තෙමි.

සෞඛ්‍ය අධිකාරින් විසින් යෝජනා කෙරෙන අදාළ සෞඛ්‍ය පියවර අනුව කටයුතු කරමින් ඔබ සෞඛ්‍යසම්පන්නව කටයුතු කළ යුතුව පවතියි.

මේ මොහොතේ ඔබට දුෂ්කරතා උද්ගත වුව⁣හොත් ඒ පිළිබඳව අප දැනුවත් කරන මෙන් ඉල්ලා සිටිමි. එවිට ඒ සම්බන්ධයෙන් යමක් කළ හැකි වගකිව යුතු අයගේ අවධානය ඊට යොමු කිරීම සඳහා අපට කටයුතු කළ හැකිය.

ඔබගේ අධ්‍යාපන ගමනද අනපේක්ෂිත ලෙස එක්වරම නැවතුණ මේ මොහොතේ ඒ සම්බන්ධ කිසියම් මැදිහත්වීමක් කිරීමේ අරමුණින් ඇතැම් අධ්‍යයනාංශවල ආචාර්යවරුන් විසින් සුදුසු පරිදි ඉගෙනුම් උපකාරක ක්‍රම සකසා මේ වන විට අන්තර්ජාලයට මුදා හැර තිබේ. එහෙයින් අමතර කියවීම් ලෙස සලකා අවකාශ ලැබෙන පරිදි එ්වායින් ප්‍රයෝජන ගැන්මට කටයුතු කරන මෙන් ඉල්ලමි.

එසේම මෙම කාලය සරසවි සිසු සිසුවියන් වශයෙන් අමතර ශාස්ත්‍රීය සහ පර්යේෂණ කටයුතුවල යෙදීමටත්, සිය නිර්මාණ කෞශල්‍යයන් අවදි කරගැනීමටත් යොදවනු ඇතැයිද අපේක්ෂා කරමි.

මේ වන විට රෝගය ආසාදිත වූවන්ට ඉක්මන් සුවය ප්‍රාර්ථනා කරන අතර රෝග ව්‍යාප්තිය අවම කරගැනීමට අපි සැම කටයුතු කළ යුතු වෙමු

ඔබට, රටට සහ ලොවට යහපතම වේවා!

මහාචාර්ය ශිරාන්ත හීන්කෙන්ද,
පීඨාධිපති,
මානවශාස්ත්‍ර හා සමාජීයවිද්‍යා පීඨය,
ශ්‍රී ජයවර්ධනපුර විශ්වවිද්‍යාලය,
ගංගොඩවිල,
නුගේගොඩ

 

News & Updates

මහපොළ ශිෂ්‍යත්ව ප්‍රදානය (දෙවන ලේඛනය) -2019/2020
April 2, 2022
මානව ශාස්ත්‍ර හා සාමාජීය විද්‍යා පීඨය ප්‍රථම අර්ධ වාර්ෂික පරීක්ෂණය – 2020/21
April 2, 2022
Industry Partnership Program of the Faculty of Humanities and Social Sciences and the HCL Technologies
March 28, 2022
චීන භාෂාව පිළිබඳ ඩිප්ලෝමා පාඨමාලාව (Diploma in Chinese Language) – 2022 දෙවන ශිෂ්‍ය කණ්ඩායම
March 27, 2022
ප්‍රතිඵල නැවත සමීක්ෂණය සඳහා වන අයදුම්පත් කැඳවීමයි
March 25, 2022