අපේ ගුවන්විදුලි සන්නිවේදකයන්ගේ වෘත්තිය නිපුණත්වය අඩුයි – චන්දන තිලකරත්න

ප්‍රබල ජනමාධ්‍යයක් ලෙසින් ගුවන් විදුලි මාධ්‍යය ශ්‍රාවකයා අතරට ගෙනයාමට අවශ්‍ය කරන සන්නිවේදන කුසලතා පිළිබඳ දැනුවත්භාවය සහ වෘත්තිමය නිපුණත්වය ගුවන්විදුලි සන්නිවේදකයා තුල ඉතාම අඩු මට්ටමක පවතින බව ස්වාධින රුපවාහිනී සේවයේ අලෙවි විධායක චන්දන තිලකරත්න මහතා පැවසිය.

ඔහු මේ බව ප්‍රකාශ කළේ 2016.11.15 වන දින සවස 3.00 ට  සුමංගල මන්දිරයේ සුරවීර ශාලාවේ “ගුවන්විදුලියට පණ පොවන්නේ කෙසේද” යන තේමාව යටතේ සිංහල හා ජන සන්නිවේදන අධ්‍යයනාංශයේ ජනසන්නිවේදන විශේෂවේදී දෙවන වසර සිසුන් විසින් සංවිධානය කරන ලද ආරාධිත දේශනයකට සහභාගි වෙමිනි.

දේශනය ඇමතු චන්දන තිලකරත්න මහතා තවදුරටත් ප්‍රකාශ කර සිටියේ ගුවන්විදුලි සන්නිවේදනයේදී භාෂාව ඉතාම වැදගත් වන අතර නිවැරදි සරළ භාෂාව ඒ සඳහා  ඉතාම උචිත බවයි. එමෙන්ම ග්‍රාහකයා තුල ධනාත්මක ආකල්පමය වෙනසක් ඇති කිරීම මාධ්‍යවේදියාගේ වගකීම වන බවයි.

මෙම වගකීම නොපිරිහෙලා ඉටුකිරීමට නම් වත්මන් ගුවන්විදුලි සන්නිවේදකයන්ගේ දැනුවත් භාවය වෘතිමය නිපුණත්වය වර්ධනය කලයුතු බවත් ගුවන්විදුලි මාධ්‍යය පමණක් නොව ඕනෑම මාධ්‍යයක් ඉදිරියට ගෙනයාමට නම් මාධ්‍යයවේදියා ජනතාවට වඩා ඉදිරියෙන් සිටිය යුතු බව හෙතෙම වැඩිදුරටත් ප්‍රකාශ කළේය.

ජනසන්නිවේදන සිද්ධාන්තයක් ප්‍රයෝගික දැනුම හා මුසුකරමින් සිංහල හා ජනසන්නිවේදන අධ්‍යයනාංශයේ ජනසන්නිවේදන විශේෂවේදී  දෙවන වසර සිසුන් විසින් සංවිධානය කරන ලද මෙම දේශනයට අධ්‍යයනාංශ ප්‍රධාන ජ්‍යෙෂ්ට කථිකාචාර්ය සේනානි හරිස්චන්ද්‍ර මහතා, ජ්‍යෙෂ්ට කථිකාචාර්ය එම්. ජේ. ආර්. ඩේවිඩ් මහතා ඇතුළු විද්‍යාර්ථින් රැසක්ද සහභාගී විය.

ආර් . එම් ධනුෂ්කා චන්ද්‍රමාලි

News & Updates

මහපොළ ශිෂ්‍යත්ව ප්‍රදානය (දෙවන ලේඛනය) -2019/2020
April 2, 2022
මානව ශාස්ත්‍ර හා සාමාජීය විද්‍යා පීඨය ප්‍රථම අර්ධ වාර්ෂික පරීක්ෂණය – 2020/21
April 2, 2022
Industry Partnership Program of the Faculty of Humanities and Social Sciences and the HCL Technologies
March 28, 2022
චීන භාෂාව පිළිබඳ ඩිප්ලෝමා පාඨමාලාව (Diploma in Chinese Language) – 2022 දෙවන ශිෂ්‍ය කණ්ඩායම
March 27, 2022
ප්‍රතිඵල නැවත සමීක්ෂණය සඳහා වන අයදුම්පත් කැඳවීමයි
March 25, 2022