“රුපියල බාල්දු වූ පමණින් රටට නරකක් වෙන්නේ නැ” පීඨාධිපති, අචාර්ය ඩි. පි. එස්. චන්ද්‍රකුමාර

රුපියලේ අගය අවප්‍රමාණය වීම පිළිබඳව මානව ශස්ත්‍ර හා  සමාජීය විද්‍යා පිඨයේ පීඨාධිපති, ආචාර්ය ඩි. පි. එස්. චන්ද්‍රකුමාර මහතා 2017, ජනවාරි මස 10 වන අඟහරුවාදා දින මව්බිම පුවත්පත හා  සංවාදයකට  එක්වෙමින් අදහස් දක්වා තිබේ. එතුමා සඳහන් කරන ආකාරයට රුපියල අවප්‍රමාණය වීම යනු අප භාවිත කරන ජාත්‍යන්තර මුදල් වර්ගවලට සාපේක්ෂව විශේෂයෙන්ම ඩොලරයට ගෙවන රුපියලේ අගය වැඩිවීමයි.

වෙළඳපොළේ අනිකුත් භාණ්ඩ මෙන්ම රුපියලේ අගය තීරණය වෙන්නෙත් ඉල්ලූම සැපයුම අනුවයි. එනම් ආනයන, අපනයන අනුව රුපියලේ අගය වෙනස් වේ. ඒ අනුව හාල් ,පොල්වල මිල තීරණය වන ආකාරයට ඉල්ලූම සැපයුම අනුව රුපියලේ මිලද තීරණය වේ. රුපියලේ මිල තීරණය කිරීම යනු විනිමය  අනුපාතය තීරණය කිරීම වන අතර මේ වනවිට  විනිමය අනුපාතය නිදහසේ තීරණය වීමට ද ඉඩහසර ලබාදී තිබේ.

එසේම රුපියල බාල්දු වූ පමණින් එමගින් රටට හානියක් සිදු නොවන බවද ආචාර්ය චන්ද්‍රකුමාර මහතා සඳහන් කරයි.  එනම් රුපියල බාල්දු වීම නිසා, උදාහරණයක් ලෙස ඩොලරයකට ගෙවන රුපියල් ප්‍රමාණය වැඩි වීමෙන් ආනයන සිමා වන අතර අප රුපියලක භාණ්ඩයක් ආනයනය කරන්නේ නම්  මෙයට පෙර ඒ සඳහා රුපියල් එකසිය තිහක් ගෙවුයේ නම් දැන් එයට රුපියල් එකසිය පනහක් පමණ ගෙවීමට සිදුවේ. එබැවින් ආනයන ප්‍රමාණයේ අඩුවීමක් ඇතිවේ.  ආනයන අඩුවීම එක් අංශයකින් ගත කල ශුබදායීද වේ. අනවශ්‍ය දේවල් ආනයනය නොකොට දේශීය නිෂ්පාදන ලබා ගැනීමට මෙහිදී අවස්ථාව ද එමගින් සැලසේ.

රුපියලේ අගය අවප්‍රමාණය වීමෙන් අපනයනවලට සිදුවන බලපෑම පිළිබඳව අදහස් දැක්වූ ආචාර්ය චන්ද්‍රකුමාර මහතා මෙසේද සඳහන් කර තිබේ. “මෙය අපනයනවලට වාසි සහගතයි එනම්, තේ කිලෝ එකක් අපනයනය කිරීමෙන්  පෙර ඩොලරයක් ඉපයුවා නම් එය රුපියල්වලට හැරවීමේදී මෙයට පෙර  ඩොලරයක  මිල එකසිය තීහක් වුයේ නම් දැන් එයට රුපියල් එකසිය පනහක් පමණ ලැබේ. එහිදී මෙය වාසි සහගතයි.  එමඟින් අපනයන දිරිමත් වීම සිදු වේ. අනෙක් පසින් පෙර සඳහන් කල ආකාරයට ආනයන සීමාවීම හා අපනයන ධෛර්වීයවන්ත වීමද වාසියකි. එපමණක් නොව විදේශිකයන්ගේ මෙරට සංචාරය කිරිමි ද මෙනිසා දිරිමත් වේ. එනම් විදේශිකයින් ඩොලරයක්, රුපිල්යල් වලට හැරවීමේදී පෙර ඒවෙනුවෙන් රුපියල් එකසිය තිහක් ලැබුනේ නම් දැන් ඒ සඳහා එකසිය පනහක් ලැබේ. එබැවින්  ඔවුන්ට වැඩිපුර  රුපියල් ප්‍රමාණයක් ලැබෙන බැවින් ලංකාවේ සංචාරය වඩාත් පහසු වෙනවා.

එහෙත් සමහර දේ සම්බන්ධයෙන් මෙය අවාසි සහගත ලෙස බලපෑ හැකිය. සංවර්ධන ව්‍යාපෘතීන්වලට ආමම්පන්න ආනයනය කිරීම, යන්ත්‍ර සූත්‍ර ගෙන්වීම, වැනි අවස්ථා වලදී ඉහල මිලක් ගෙවීමට සිදුවේ.  කෙසේ වුවත් අපේ රටේ පවතින ආනයන අපනයන ශක්තීනට අනුව මෙම විදේශ අනුපාතය තීරණය වේ………..

සම්පුර්ණ ලිපිය කියවන්න http://epaper.mawbima.lk/Process/upload/e_paper/7851.jpg